SagnForord: Historie/sagn Finnane
var frå fyrst av heidningar som hadde sine eigne gudar, som dei bad åt
og som dei ofra åt. Paul Resen som var kapellan i Overhalla, nemner deres
gamle Avguds-Dyrkeri med ofringer -på Høiene». Her i Namdal hadde dei
2 slike offerstader. Det var Foldalshatten i Foldereid og Tunsjøguden
i Røyrvik. Oppe på Gudfjellet (Tunsjøguden) skulle det vera ei revne i
fjellet, og i denne revna ofra dei rein og andre ting, og det har vore
sagt at dei ein og annan gong kjøpte krøtter hjå bøndene, som dei brukte
til offerdyr. Dette Gudfjellet ligg på ei øy midt ute i Tunsjøen og skal
vera 814 meter over havet og er ein forvitneleg stad som det ikkje var
noko rart at finnane tok i bruk som offerstad. Det har gått fleire segner
om ofringane på Gudfjellet, som kvart år vart halde for å ofra åt guden
Jomola. Kvar kasta gåva si ned i den åpne sprekka, og då offersteinen
låg attmed sprekka, rann offerdyrets blod ned i sprekka. Der vart halde
store festar og etter at dei som var med hadde metta seg med blod av reinen
og drukke flogosoppbrennevin, dansa dei sine ville dansar omkring offersprekka
og ropa på Jomola. Den siste fest som segna melder om, skulle vera eit
bryllaup. Etter at den eigentlege seremoni var slutt, lokka ein ung finn
- som foreldra åt brura hadde vraka - brudgommen med seg bort frå festen
til eit bratt stup på fjellet og skuva honom utover. Han fekk så gjestane
til å drikka seg frå sans og samling, og så tok han brura og sette ho
attmed offersteinen. Der skulle ho stå til brudgommen kom og henta ho.
Medan brura smila og såg på, fekk han gjestelyden til å ta kvarandre i
handa og dansa i ring om henne medan dei song ein eintonig song. Dansen
og songen vart villare og villare, og ringen vart no og då broten av at
ein eller annen stupte. Plutselig kastar alle seg over brura, og med ein
vill song åt guden støyter dei knivane sine i ho og blodet hennar renner
ned i offersprekka. Då tek den unge finnen henne og lyftar ho frå steinen
og trykker munnen sin mot eit av såra og drikker blodet hennar. Dagen
etter, då dei vaknar etter den sanselause rusen sin, tek dei fæle over
det som er gjort og reiser frå fjellet. Etter dette blodbryllupet skal
finnane ikkje ha halde nokon fest på Gudfjellet. Dette er teke frå ein
artikkel av O. S. Avatsmark i Nidaros nr. 257 i 1928. Oppe
mot svenskegrensa ligg der ein stor sjø, Tunsjøen dei kalla. Han er på
lag 3 mil lang og noko brei. Der er nokre få gardar som ligg langt frå
kvarandre omkring sjøen. Elles er det skogland. Midt ute i sjøen ligg der
ei øy med eit høgt fjely. På den eine sida er det bratt opp, men på den
andre sida er det meir langslutet, og der veks det noko skog, og no er det
bebuar ut på øya. Ovenfrå høgda oppå fjellet er der ei djup revne
nedgjennom som skal gå like til sjømålet vert det sagt. I denne revna
fortejler dei at finnane i gamle dagar ofra rein, penger, hunder og andre
ting som dei kasta ned i revna åt guden, og fjellet vert difor også enno
kalla
”Guden” (Gudfjellet). Sume tider kjøpte dei krøter til ofring
hjå bondefolket som budde omkring. Det vart såleis fortald at dei eingong
hadde kjøpt ein okse som var både feit og stor. Finnane førde stuten opp
på fjellet, men han var for stor til å få ned i revna. Men så batt dei
han der og meinte at guden tok honom vel der sjøl. Mannen som hadde selt
oksen visste kva dei skulle ha honom til, og ei stund etter reiste han dit,
løyste oksen og tok honom med seg heim. Omkring 14 dagar etter skulle
finnane sjå deropp igjen. «Å sjå, de hi fell vøri eit godt offer, de
fins ikkj beina att». I
året 1854 hadde guden nær fenget eit retteleg stort offer. Ei finnkjerring
gjekk på fjellet og bar stokken med barnet i. Ho kom så nær bort i revna
at ho datt nedi, men til all lukka vart stokken liggjande tvert over revna så
at kjerringa vart hengande til dess ho fekk tak med hendene og fekk kravla
seg opp. Den som fortalde dette la til at mora og barnet liver enno, og
dette var sist i 1880-åra. Ettersom
det vert sagt, er det ellers ikkje berre som offersted at denne øya er
merkeleg, det har også vore ei krigshending deroppe. Herom gjeng denne
segni. I ufredstida mellom 1809 og 1814 kom der ofte fiendar frå Sverige
opp på fjellet. På søraustsida gjeng der ei lita dallegd nedåt sjøen,
men svært bratt. Der bukte finnane gjerne å ganga opp på fjellet. Men
finnane hadde ikkje noko å berga seg med. Men så var det eingong då
fiendene kom , då stelte finnane opp kjerrissane sine på fjellet, pakka
dem fulle med stein og batt oppå dem nokre reinhorn. Fiendane tok til å
ganga oppetter fjellet, men då dei kom nesten oppåt, skuva finnane
kjerrissane med stein og horn utover dei. Sume vart drepte, nokre såra og
dei som var uskadd tok til fotane. Finnane vart på denne måten berga og
svenskane øydelagde, likeeins som skottane i 1612 i Kringen i
Gudbrandsdalen.
Historie/sagn Det
var før kristendommens inngang blant fjellfinnene. Med sine reinflokker
streifet de om på viddene rundt Tunnsjøen. For disse naturmennesker, hvis
liv var en kamp mot storm og skred og ville dyr, var det trauste fjell ute i
Tunnsjøen blitt en gud som de tilbad og bragte offer. Oppe på fjellets
platå var det et sted en sprekk så dyp at den nådde ned til vannflaten.
Ved denne sprekken hadde finnene sitt offersted. Ned i det svelgende dyp
blev reinsdyr og andre offergjenstander overlatt til fortæring av den
mektige gud. Men
dette omflakkende liv på fjellet i storm og snø om vinterne var en hård
kamp for tilværet, og den gamle bestefar og bestemor som ikke kunde hjelpe
sig selv under flyttingen, blev til byrde for de andre. Derfor måtte de gi
sig ”Guden” i vold og dø straks. De kunde velge mellom ”renskyss”
og ”kaldbad”. Valgte de det første, blev de bundet fast i en kjærris
(pulk), fikk ”godnattsupen” og skjøvet utover Gudfjellets bratte
skrent. Valgte de det siste, blev hull hogget i isen, og bundene på hender
og føtter forsvant de i Tunnsjøens mørke dyp.
FINNANE
ELLER SAMENE Historie Finnane
dreiv med rein og hadde beiteland i Røyrvikfjella og i Børgefjellet sumars
tid, der det var såpass kjølig at kleggen ikkje kunne plaga reinen. Om
vinteren tok dei og dreiv reinen utover dalen og fann beiteland i fjella
i Grong, Høylandet og Overhalla, der det var mindre snø enn i Røyrvik
og Namsskogan og lettare for reinen å grava opp reinmosen, som utgjer
vinterføda hans. Det var også lettare for finnane å skaffa seg det dei
trong i matvegen ute i bygda enn i fjellbygda, der det ikkje fanst handelsmann,
noko som det var fleire av lenger ut i dalen. Dei gamle finnane budde
i gammer, dei såkalla finnhus, som var bygd som eit telt og hadde åpning
i toppen, så røyken kunne sleppa ut. Finnhusa var bygd av stenger som
reisverk, og så var dei tekt med næver og torv. Dei husa dei bygde, når
dei flytta ut i bygda om vinteren, hadde mykje godt tvitre som dekning
utanpå nevra. Desse husa bygde dei i skogkanten, der det var lunt og der
dei kunne finna vatn og ikkje for langt frå beitelandet åt reinen. Eldstaden
hadde dei midt på golvet, og sengeplassen og arbeidsplassen rundt omkring
eldstaden. Sengklæda var reinskinn som er eit ypperleg materiale både
til sengklær og andre klær. Sengklæda var gjort som possar som dei smaug
inni. Maten sin koka dei over varmen i gammane og her åt dei og heldt
til med arbeidet sitt. Når finnane hadde lægra seg mot vinteren i ein
eller annan skog, vart det kalla at dei «satt». Deira nasjonale bunad
var både vakker og bekvem for deira yrke med mykje farting i skog og fjell.
Passing av reinen var eit kravfult arbeide, og dei måtte vera på farten
i fjellet både seint og tidleg. Både karar og kvinnfolk brukte ei kofte
av tvitre og beinklær av same slag, men stasklæda var gjort av finare
klæde. Om vinteren når det var kalt, brukte dei muddar eller pæskar, som
det også heiter. Desse var av reinskinn og var varm, og så var dei så
lett då reinskinnet er lettare enn noko anna skinn. Hanskar og sko brukte
dei også av reinskinn, men vanlege sokkar brukte dei ikkje. I staden brukte
dei «finnhøy» i skoane, og dette la dei inn i skoen på ein slik måte
at det gjekk heilt rundt om foten og var rekna varmare enn sokkar. Dette
høyet laga dei av eit gras som veks i fjella, og dei turka og kjemma det
så det vart så fint som det finaste lin og var sterkt, så det same høyet
kunne vara lenge. Stasklæda
som finnane brukte, var som nemnd gjort av fint klæde. Dei var gjort på
same måten som bruksklæda. Kvinnfolka hadde alltid bordar på kjolane sine
av raudt, grønt og blått klæde. Kragane både på mannskofta og kvinfolkkofta
var av raudt klæde, og brystduken var jamnast av raudt ty og så var den
utstasa med prydsaum, og så ha gjerne kvinnfolka ei mengd med ringlande
sylvstas på brystduken sin. Huvane var topphuvar. Åt karane var dei blå,
men åt kvinnfolka raud. Belte hadde både karar og kvinnfolk, og dei var
pryda med perlar og anna prydsaum. Det var eit vakkert syn å sjå dei når
dei ein høgtidsdag kom åt kirka i stasbunaden sin. I
1716 vart Thomas von Westen utnemnd til lektor ved latinskulen i Trondheim
og med plikt til å leida misjonsarbeidet i Nordland og Finnmark. Han var
godt skikka til eit sovore arbeide, då han hadde mykjen lærdom, og var
veltalande og attåt ei eldsjel som ofra alt for den oppgåva han vart sett
til å røkta. Dertil var han ein myndig mann og ikkje så lite stridbar,
noko som var turvande for den oppgåva han no hadde fått som misjonsleidar.
Han gjorde 3 misjonsreisar nordover, nemleg i 1716, 1718 og 1722, og
på den siste reisa vitja han også Namdal. Han hadde på heimturen i 1716
vore ein tur til prestegarden Grande for å bli gjort kjend med dei religiøse
tilhøva som finnane i Namdal hadde. Schavenius var då prest i Overhalla
og hadde vore det frå 1705, men endå kjende han ikkje meir enn 4 finnefamiliar
oppe i fjella og heller ikkje døypt meir enn 2 finneborn. Finnane som
mest budde i Grong prestegjeld, kunne ikkje det norske språket og hadde
liten kjennskap til kristendommen. Dei kunne kanskje segja fram herrens
bøn og artiklane, men forstod lite av det. Den tidlegare prest, Peder
Resen, hadde gitt dem høve til å få alterens sakramente, og det hadde
også Schavenius gjort, då han ikkje ville bryta med det som var gjort
før. Schavenius visste ikkje noko om deira overtro og trolldom, då dei
låg så langt oppe i fjellet at ein ikkje kunne få vita noko om dei. Ingen
av finnane vart gravlagt på kirkegardane. Dei begrov dei avlidne i fjella.
Etter å ha vore på Grande hjå Schavenius og fru Juditta, reiste von Westen
gjennom Grong og over Snåsaheia - denne elendige og besværlige vei over
diger og moradser», så han for det meste måtte gå, og kom den 27. oktober
til prestegarden på Snåsa, der han vart imotteken av presten Nils Muus
og sonen Peter Johan Muus, som var kapellan hjå faren. Ein kunne heller
ikkje her få tak i nokon av finnane, då dei oppeheldt seg i Lierne, der
det var 2 kapeller, ett i Nordli og ett i Sørli. Finnane deroppe flytta
også Prestegarden
i Overhalla låg ikkje laglegt til for at von Westen kunne halda møte med
finnane. Han flytta derfor til Grong, der han kom den 6. februar og var
til den 9. mars. Dit kom finnane frå alle kantar, og von Westen fekk fullt
arbeide med å undervisa dei om kristendommen, men så prøvde han også å
koma til bottens i deira heidenske forestillingar og deira trolldomskunstar.
Før misjonsarbeidet tok til mellom finnane, <var de alle få undtagne
aldeles ukjendte vilde hedenske barbariske folkeslag der aldrig kom ned
til bygden i dalene. Prestane kjende dem lite. Dei som prøvde å virka
på dei, kunne ikkje språket deira, og ikkje kunne finnane det norske språk. Då
det spurdest mellom finnane at von Westen ville koma og snakka med dei,
likte dei ikkje dette. Dei hadde høyrd om honom nordanfrå, at han blanda
seg inn i ting dei helst ville ha for seg sjøl. Noko slikt var ikkje Namdalsfinnane
vant med. Dei prøvde difor å halda honom borte. Dei fekk då istand ei
trollmesse, der dei kalla på alle dei djevlar dei visste namn på. Men
dette hjalp ikkje, han kom, og dei fann at dei måtte møta opp. Då
von Westen fekk snakka med dei, ville han høyra om denne trollmessa, som
han hadde fått nyss om. Han snakka med kvar einskild, og då han var ein
sterk personlegheit, gjorde han eit sterkt inntrykk på desse naturborna
og fekk såleis full greia på denne trollmessehandlinga. Den tok til i
Teplingmarka og i Fotdalen den 2. januar og held fram i fleire dager.
Han skreiv ned det dei fortalde om trollmessa og så las han det opp for
finnane, og dei sa at alt var rett slik som det hadde gått for seg. Dei
tilstod at dei hadde gjort alt for å «ombringe> ham, då dei ikkje ville
gjeva slepp på deira gamle friheit. von Westen skrev frå Grong åt misjonskollegiet
den 18. januar om at han har 70 finnar til åndelig behandling». I same
skrivelse gjev han ei mørk skildring av dei religiøse førestillingar finnane
hadde. «Avguderiet og mørkets makt vokser sterkere og sterkere jo lenger
jeg kommer ad sønden som jeg har befundet alt fra Rødøen hertil. Men Thomas
von Westens misjonsarbeide i Grong kan ikkje ha vore utan verknad. Det
er fortald at han i 1723 var på Namsskogan og i Røyrvik og held messa
attmed ein stein på Steinfjellet, som seinare er kalla Preikestolsteinen. Thomas
von Westen hadde mange vanskar å strida med i misjonsarbeidet sitt. Såleis
skreiv han åt misjonskollegiet om dei vanskar bygdefolket, mest i Nordland,
la i vegen mot arbeidet hans. Finnane vart kalla hundar og handsama som
hundar. Det er ei mørk skildring han gjev av brennevinshandelen og brennevinsdrikkinga
mellom finnane i Nordland. Der vert seld brennevin på gardar attmed kirka
og i hyttar som kræmarne har bygd attmed leirkane. Det vart også seld
brennevin på kirkegarden, ja til og med i kirkedøra. Ja, der skulle også
vera prestar som dreiv brennevinshandel, og handlarane frå Trondheim,
som dreiv handel på Nordland, klaga offentleg over at prestar dreiv slik
handel. Noko så gale var det ikkje i Namdal, men også her fann von Westen
grunn til å klaga, og han vendte seg åt øvrigheita for å få hjelp. Den
1. februar 1723 vart det sett ein rett på Himo, administrera av skrivaren
Rasmus Moss med 8 laugrettemenn. Futen Melkior Meyer var tilstades, likeså
Thomas von Westen. Han bar fram frå kollegiet ei klage over korleis finnane
vert forførte til å drikka brennevin og øl når dei kommer åt kirkane
i Namdal. Der ligger krohus attmed kirka, og når finnane kommer for å
gå til alters så < understår mange sig til å selge dem sterk drik til
overflødighed» Folk frå bygden har ført en mengde brennevin til finnane.
Også snåsningane reiser til fjellene i Overhalla med brennevin og tobakk
Det er såleis vanskar med å få gjort noko med finnanes oppsedning då «de
arme skrøbelige sjæle ere overalt omspændte med forargelse udi sine egne
fjelde eller udi bygden eller kirken». Han vender seg difor til den kristelege
øvrigheit på staden og visar til kongens befaling i misjonskoliegiets
instruks av 19. april 1715 om «alle standspersoners villighed» til å stydja
misjonsarbeidet. Han håper difor også at «vel bemeldte øvrighed ville
føie den eftertrøkkelige anstalt hvorved sådanne satans hindringer i mod
dyrekjøbte sjæles frelse måtte borttages og ganske afskaffes. Det viste
seg at såsnart ein finn var forført til drukkenskap, då er han < optændt
av uren lue straks til at begynde sine trollmesser». Sådanne <satans
kapeller» ved kirkene må difor avskaffast så finnane kan «have kirkefred
og tingfred og bygdefred og hyttefred». Det må bli forbode både for overhallinger
og snåsninger å fare omkring i fjellene med brennevin og tobakk. <Ingen
nordmand bør understå sig og selge eller skjenke nogen finn brenvin eller
annen sterk drikke. Vidare ville han formana den kristelege almue til
aldri å forakte og forhåna dei arme finnane. Dei er likeså dyrekjøpt som
andre, men dei har hittil ofte vore handsama som hundar. Framfor alt må
kristne ikkje < søke behag> i finnanes runeri. Han bad øvrigheita
om at der måtte bli forbod mot den ukristelige skikk at finnane på heidensk
vis vert gravlagt i fjella. Når bygdefolket hadde finnar i tenest, burde
dei tilhaldast ikkje Å handsama dem som < heidningar og bester, men
at < besørge deres undervisning og kristendom således som de agter
for øvrighed og sjælesørger at forsvare> . Tilslutt bad lektoren om
øvrigheita ville hjelpa til og hindra finnane i < uden noget vist arbeide
og næringsmiddel udi afgudisk ørkesløshed» flakker om frå sted til sted.
Av slikt hadde ein berre dei syrgjelegaste fruktar. Så takka von Westen
for den hjelp øvrigheita allerede hadde gjeve og håpa på stønad framover.
Almugen på tinget sa frå, at deira ynskje var < at brenvinshandel og
øltapperi såvel for dem som for finnene ved kirkerne måtte blive afskaffede
såsom sådant her tildags har forårsaget, at mange allerede er gerådne
udi armod og fattigdom med videre og er befryktende at flere herefter
derudi skal geråde». Thomas
von Westen reiste frå Namdal over Heia til Snåsa den 9. mars 1723. Her
var han på Krogsgården ein heil månad. Her fekk han samla så mange finnar
at han måtte ta P. J. Muus, misjonæren, til å hjelpa seg. Frå Snåsa reiste
han 10. april, og etter å ha vore ein tur til Verdalen kom han til Trondheim
den 5. mai. - P. J. Muus heldt fram som finnemisjonær i Lierne og Helseth
heldt fram med misjonsarbeidet mellom finnane i grensebygdene mot Harran.
I 1725 var Helset i Vefsen, men seinare kjem han attende til Namdal i
misjonstenesta. Thomas
von Westen la ned eit stort og godt arbeide som misjonær for finnane.
Han tok oppgåva alvorleg, men etter det som er nemn om dette arbeidet,
har det vore mange og store vanskar å møta. Finnane var eit konservativt
folkeferd å arbeida med, då dei hadde tungt for å sleppa si gamle tru,og
så ser det ut som bygdefolket prøvde å driva forretningar med finnane
og brukte brennevin som byttemedel, noko som etter det von Westen heldt
fram på tinget på Himo, gjorde sitt til at finnane vart vandare å ha med
å gjera. Men når han fekk heidersnamnet «Finnenes Apostel» var det fordi
at arbeidet han hadde sett store merkjer etter seg og namnet vel fortjent. Men
det tok kanskje noko tid før at finnane vart heilt kristne då det heiter at
dei dyrka sine heidenske gudar ilag med kristentrua. Men dei kom åt kirka
med borna for å få dei døypt, og deira avlidne vart meir og meir ,gravlagt
på kirkegårde ter at det omkring 1740 vart ei meir fast skuleordning,
vårt det tilsett skulemeistrar for finnane, og dei gjorde mykje til at
kristendommen vann meir og meir fram hjå finnane. Men den som gjorde mest
for kristendommen mellom finnane i Grong prestegjeld var presten Hans
Peter Schnitler Krag, etter åt han i 1820 vart prest i Grong. Han tok
tur opp til Røyrvik i fleire år, der han underviste finnane i kristendomskunnskap
og heldt gudstenest åt dei. Han vann dei så heilt, at då han i 1830 vart
prest i Vågå og måtte reisa frå Grong, syrgde alle på honom. Talet
på finnar har minka noko i Namdal år om anna. Dei som ikkje har greidd
å halda ein stor besetning av rein, har hatt vanskar med å slå seg igjennom,
og dei har teke til med anna yrke. Sume har gått over i bondeyrket som
tenarar, og det fins dei som har vortne anleggsarbeidarar o. 1. Desse
har tilslutt gått ut av stammen. Dei som har halde stammen oppe er dei
finnane som har vore best økonomisk situert og som har halde på den lappiske
tradisjon med stor besetning av rein og som har gått i dei fotafar som
finnane frå gamalt har gjort med nasjonal bunad og nasjonal livemåte.
Riktignok har finnane meir og meir slutta med å bu i gammer om vinteren.
Istaden har dei bygd seg vinterhus eller dei har fått vinterkvarter hjå
bønder, der det kunne vera laglege hus ledige. Å bu i gamer vinters tid
kan vera ei for hard påkjenning, og dei har difor meir og meir prøvd å
unngå det. Dei har også mykje godt gått over til å bruka bondeklær, men
sin nasjonale bunad brukar dei til høgtids og når det gjeld å representera
seg som eit eige folkeslag. Den lappekommisjon som vart nedsett i 1898
anviste finnane bestemte beitestrok både for vinterbeite og sumarbeite,
og frå den tid vart det også tilsett lappefutar som skal hjelpa finnane
om der kan koma opp tvistar og hjelpa dei i alt som vedkjem reindrifta
og dei sosiale rettigheiter som dei som nomader har krav på å behalda.
Den fyrste lappefuten i Namdal var lensmann Brede, Snåsa. Etter honom
vart I. Ornæs, Røyrvik, lappefut.
|